Өткізілетін күні:  13.12.2023 ж.

Балаларымыздың денсаулығы мен бақыты көп жағдайда балабақшада және үйде дене тәрбиесін ұйымдастыруға байланысты болады. Балабақшамызда ата-аналармен бірге дене шынықтыру сабағын өткізу дәстүрге айналған. Отбасы – баланың денсаулығын қалыптастыратын орта. Ата-ана баланың санасында тұрақты денсаулыққа деген ұмтылыстың негізін қалауға жауапты тұлға болып табылады.

Қазақстан Республикасының Тәуелсіздік күніне арналған іс-шарамыздың мақсаты:  дене шынықтыру міндеттерін жүзеге асыру үшін балабақша тәрбиешілері мен тәрбиеленушілердің отбасылары арасындағы серіктестікті белсендіру. Балалардың Қазақстан туралы білімдері мен түсініктерін тереңдету, кеңейту. Өз республикасына, халқына деген сүйіспеншілік пен патриоттық сезімдерді тәрбиелеу; Туған жердің құндылығы мен сұлулығы туралы түсініктерін кеңейту.«Алға, Қазақстан!» флешмобы балалар мен ата-аналар арасында үлкен қызығушылықпен өтті.

Ұйымдастырылған іс-әрекет барысында ата-аналар балаларына қолдау көрсетіп, тапсырмаларды бірге орындады

«Бес табан» ұлттық ойын үлкенқызығушылықпен өтті. Оған балалар ата-аналарымен бірге қатысты.

Іс-шараның соңында рефлексия өткізілді, онда балалар қол ұстасып шеңберге тұрып, өз отбасына, туған жерге деген сүйіспеншілік туралы сөздерді қайталады.

Іс-шара барысында ынтымақтастық атмосферасы болды. Ата-аналар баланың дене тұлғасының дайындығы мен оны салауатты өмір салтына баулудың маңыздылығына көз жеткізді.